MAFUNZO YA UTAWALA BORA KUWAJENGEA UWEZO WENYEVITI WA VIJIJI WILAYANI URAMBO

Siku iliyowekwa: June 29th, 2025

Urambo - Tabora

Mkurugenzi Mtendaji wa Halmashauri ya Wilaya ya Urambo Bi. Grace Quintine amesisitiza Usikivu na uelewa katika mafunzo ya utawala bora kwa Wenyeviti wa vijiji Wilayani Urambo, ili kujifunza na kuelewa namna ya kuongoza pamoja na mipaka ya majukumu ya Wenyeviti wa vijiji.

Bi. Grace Quintine ameyasisitiza hayo wakati akifungua mafunzo kwa Wenyeviti wa vijiji  tarehe 26. 06.2025 katika Ukumbi wa Mikutano wa Halmashauri ya Wilaya ya Urambo yenye Lengo la Kuboresha Utendaji.

Aidha Bi. Quintine ameeleza kuwa dhumuni la mafunzo hayo ji kusaidia kueleza mipaka ya kimajukumu pamoja na kuepusha migogoro baina ya Wenyeviti pamoja na Watendaji wao.

Aidha Bi. Grace Quintine ameendelea kwa kusema kuwa, Mafunzo hayo ni Mpango wa Serikali wa kuhakikisha Wenyeviti wa vijiji wanajengewa uwezo wa utekelezaji wa majukumu, hivyo ndiyo maana Wawezeshaji wamewasili kutoka Chuo cha Serikali za Mitaa (Hombolo) ili waweze kuelekeza vyema.