Elimu msingi

UTANGULIZI

Idara ya  Elimu Msingi ilianzishwa mwaka 1975 baada ya Wilaya ya Urambo kuanzishwa. Idara ilianzishwa kwa mujibu wa Sheria Idara inatekeleza Sera ya Elimu na Mafunzo ya mwaka 2014 yenye Dira ‘kuwa na Mtanzania aliyeelimika na mwenye maarifa, stadi, umahiri, uwezo na mitazamo chanya ili kuchangia katika kuleta maendeleo ya Taifa.  Dhima ya Elimu ni ‘kuimarisha ubora wa Elimu na mafunzo na kuweka mifumo na taratibu zitakazowezesha kupata idadi kubwa ya Watanzania walioelimika na wanaopenda kujielimisha zaidi ili waweze kuchangia katika kufikia malengo ya Taifa letu.

WATUMISHI WA IDARA

Idara ina jumla ya Watumishi 765 kwa mchanganuo ufuatao:-

• Makao makuu ya Halmashauri Idara ina jumla ya Maafisa wa Elimu 8
• Ngazi ya Kata Idara ina jumla ya Maafisa Elimu Kata 18
• Ngazi ya Shule Idara ina jumla ya Walimu 739

MAWASILIANO KATIKA IDARA YA ELIMU MAKAO MAKUU YA HALMASHAURI

MAWASILIANO YA NGAZI YA KATA:

HUDUMA

Idara inatoa huduma zote za kielimu kwa Wananchi wote wa Wilaya ya Urambo na nje ya Wilaya kwa muda wote wa siku za kazi Jumatatu hadi Ijumaa saa 1.30 asubuhi hadi saa 9.30 mchana.

Pia Idara ya Elimu Msingi inatoa huduma kwa wananchi zikiwemo

• Kusimamia Shule zote za Elimu ya Awali na Elimu ya Msingi kwa Shule za Serikali na binafsi.
• Kuhakikisha utoaji wa huduma bora za Elimu kwa kufuata sheria, kanuni, taratibu na miongozo iliyowekwa na Serikali.
• Kuhamisha wanafunzi wa Elimu ya Msingi ndani na nje ya Wilaya. Pata maelezo zaidi apa.....UHAMISHO...
• Kupokea malalamiko na kuyashughulikia yanayohusu Elimu ya Msingi katika Halmashauri ya Wilaya ya Urambo.
• Kushirikiana  na wadau wa Elimu ndani na nje ya Wilaya katika kutatua changamoto za kielimu.
• Pia Idara inatekeleza mpango wa kuinua Ubora wa Elimu Tanzania EQUIPT-T (Education Quality Improvement Programme) ambapo mpango una malengo yafuatayo:-
• Kuongeza uwezo wa ufundishaji wa Walimu
• Kuboresha uongozi na Utawala wa Shule
• Kuimarisha Uongozi wa Wilaya
• Kuinua ushiriki wa Jamii katika Maendeleo ya Shule
• Kuinua kiwango cha ufaulu wa Wanafunzi (hasa watoto wa kike)
• Idara pia inasimamia miradi ya Shule kujiongezea kipato ‘Income generating Activity’ (IGA)